Xildhibaan Cali Baashe Oo Hadal Uu Saxaafadda Ka Sheegay Bulshada Magaalada Laascaanood Qaybo Ka Mid Ah Ka Cadhaysiiyey(Mid-gahaa Dhulbahante Kaga Qiimo Badan Dawladda).

Warkii: Apr 09, 2005

Laascaanood(Radiossc.com):-Waraysi uu dhawaan xildhibaan Cali baashe Maxmuud Siiyey qaybo ka mid ah warbaahinta Magaalada Laascaanood ayaa hadallo uu ku sheegay waraysigaasi wuxuu ka cadhaysiiyey qaybo ka mid ah Bulshada magaalada Laascaanood.

Cali Baashe oo ka jawaabayey Su’aal ku saabsanayd sababta uu ula siyaasad noqon waayey Bulshada deegaankan maadama uu yahay xildhibaan iyaga matala, dadka deegaankanina ay taagersan yihiin Dawladda Federaalkeeda iyo hoggaanka sare, ayaa waxa uu Cali Baashe  sheegay in ay dadka deegaankani ogayn waxa la kala macaashayo sidaas daraadeedna loo baahan yahay in la wacyi galiyo, wuxuuna sheegay in beelaha dhulbahante ay kaga sharaf roon yihiin Dawladda Federaalka dadka la yaso ee Midgaha.

Hadalladan Cali Baashe sheegay ayaa waxa ay ka cadhaysiiyeen dadweynaha magaalada Laascaanood oo ku tilmaamay Cali Baashe nin aan u meel dayin weedhaha ka soo baxaya afkiisa, isaga oo u ekaaday nin cunsuriyad ku taamaaya.

Waxaana uu hadalka Cali Baashe aad uga cadhaysiiiyey Bulshada ku abtirsata beesha Madhibaan ee ku dhaqan magaalada Laascaanood, oday kamid ah odayaasha madhibaanka ayaa u sheegay Radiossc in uu Cali Baashe haddii uu ku kacsan yahay C/laahi Yuusuf oo ay isu hayaan si gaar ah in uu dad kale kula galgasho laga qurux badan yahay, nin dhalin yaro ah oo isaguna ka soo jeeda beeshaasi  ayaa  ku tilmaamay hadalka Cali Baashe mid ay cadho madaxmartay ka keentay markii uu waayey jagadii wasiirnimada ee uu ka rabay dawladda federaalka. 

Radiossc.com

Qormadii: Radiossc.com

http://radiolascaanod.com/fullreport.php?sscid=312