|
Waa Yaabe Xaguu ka Yimid Magaca YIBIR.!
1- Asalka magaca oo ay dad badani ku sifeeyaan HEBREW oo ah magac
yasid ah oo quursi ah looguna yeeri jirey dadka aan u dhalan wadanka
Falastiin waayadii hore. Macnaha HEBREW maaha YUHUUD sida dad badani
moodayaan laakiin waa Soo galooti, Qaxooti, ama qof ka soo talaabay
webiga dhiniciisa kale. Waxa la yiraahdaa in Nebi Ibraahim(CS) loogu
yeeri jirey HEBREW maadaama uusan u dhalan Falastiin ee uu ka yimid
wadanka maanta la yiraahdo Ciraaq. Sidaa daraadeed HEBREW ayaa
Yuhuud iyo Carab iyo Ummadda kaleba dhalay ee maaha in magacu uu
micnihiisu Yuhuud yahay! Ogow Yuhuud waa hal qabiil oo keliya kana
mid ahaa qabiilooyinkii 12-ka ahaa ee ay ka koobnaayeen Bini
Israaiil. Hadaba maxaa maanta dhamaantood Yuhuud kawada dhigay ?!
2-Buur
dheer oo ku taala wadanka Imaaraatka ayaa waxaa lagu magacaabaa
Buurta Yibraha (Jabal Yibir 1,527m)
3-Yibareyn oo ah daweyn, dhayid ama tufid. Waxaa la ogsoon yahay
marka Yibirka samaanyaha la siiyo in uu ilmuhu xirsi xiran yahay,
qardhaasna uu u jaro Yoborku. Haddii loo diidana ilmahaasi sacsac
doqon ah buu noqdaa oo waxaa la yiraahdaa Xanfalay baa qaaday. Midda
kale Yibirku wuxuu bulshada soomaalideed ugu jirey halka uu
dhakhtarku manta ugu jiro, markaa waxaan filayaa halka hadda
laytiraahdo “Visito” ayuun baa qaruuntii hore la oran jirey
“Yabareyn”
4-
YIBIR waa Qabiilooyin aad u badan oo ka soo tafiirmay dadyow hore oo
deganaa koonfurta magaaladii la
oran jirey UBAR. Waa la qabsaday oo laga xoog roonaaday waayo maysan
lahayn ciidan iyo awood ay isku daafacaan. Qabiilooyinka la deganaa
ee la oran
jirey Udani waxaa dhaqankooda ka mid ahaa inay siiyaan hadiyad ka
farxisa dadka YIBRAHA ah marka uu wiil u dhasho ama aroos uu dhacayo!.
Anaguna ilaa maanta waanu isticmaalnaa haddii aanu Soomaali nahay!
Haddaba
akhristow waayo qabiilooyinka lagu magacaabo Udani , ma
Qabiilooyinka loogu yeedho manta ADOON miyaa? Magaalada Ubar-se
xagey ku taalaa?
Koley
anigu weli ma hubo qabiilooyinka magaca Udani leh lakiin magaalada
caanka ah ee aad looga sheekeyn jirey ganacsigeeda, dhismayaasheeda,
dahabka iyo qaniimada ooli jirtey ee ku taalay dhulka hadda qalalan
ee saxaraha wadanka Cumaan aan wax ka iraahdo.
Magaaladaasi
waxay lahayd dhismayaal sida taalada oo kale u dhaadheer, togag
waaweyn oo biya mareen ah, Beero waaweeyn iyo weliba dhirta fooxa oo
aad u badan oo dunidoo dhami ay soo raadsan jirtay.
Nin
Mareykan ah oo la yiraahdo Nicholas Clapp oo qolada dhulka qoda ee
wax ka baadha ah ayaa isagoo maalin akhriyaya buug ay Giriigii hore
qoreen oo ay kaga sheekaynayaan dhulka hadda isku ah Yemen iyo Oman
oo waagaas la oran jiray “Carabiyadii Nasiibka badnayd”ayaa waxaa ku
soo dhacday fikrad ah inuu waco NASA oo ka codsado inay dayax
gacmeedka ku baaraan magaaladan cajiibka ah ee luntay.
1992
ayaa NASA aqbashay codsigiisii dayaxgacmeedka samada marana u dirtay
meeshii dadka reer baadiyaha ahi sheekada ku hayeen in magaaladaashi
uu dhulka liqay. Sawirro badan oo lagasoo qaaday ayaa waxaa lala
yaabay dhismayaasha bacaadka ka hooseeyaa waaweeynaantooda iyo
dooxooyinka iyo jidadka ay lahaan jirtay magaaladaasi.
Sanooyin
markii si taxadar ah loo qodayey kadib baa lootegey wixii dadku ku
sheekeysan jireen oo run ah. Waxaa ka yaabisay dadkii wax qodayey
sida ay isu keentay sheekooyinka dadka reer guuraaga ah iyo waxa ay
meesha ku arkeen!
Haddaba
akhristoow Magaaladani waa magaaladii uu quraamku noogu sheegay
Suurada ash-Shura: 131-135, Suratul Fajri: 7 iyo Suurada 89:6-9.
Waxaa si fiican aad uga bogan kartaan Suurada HUUD oo idiinka
waramaysa wixii Nebigaa iyo dadkiisa dhexmaray.
Dadku
waa reer caad Magaalada quraanku sheegayna waa IRAM oo lahayd
dhismooyin iyo taalooyin waaweyn beero iyo hodantinimo sareysa.
Kadibna markii ay beeniyeen Nebigii loo soo diray ee HUUD ahaa lagu
ciqaabay Duufaan iyo Toornaado socotay 7 habeen iyo 8 maalmood.
Duufaantaasi waxay dejisay magaaladaas iyo wixii dulsaarnaa ilaa iyo
12 Mitir, maantani sideedii baa loogu tegey iyadoo saxaraha laga soo
saaray!!!!!!
Haddaba
fooxna waanu leenahay oo waa nalagu yaqaanay, Adoon (Udani) dad la
yiraahdana waanu leenahay oo la yaso, lana siiyo hadiyado si ilmaha
ama arooska ay ugu duceeyaan, waagii horena dhulku sidan ma ahayne
wuu ka duwanaa oo waxaa laga yaabaa in ilaa Cumaan iyo Soomaaliya is
haysatay. Haddaba maxaa halkaa kasoo bixi kara? waxaan u daayey
aqoonyahanada iyo akhristayaasha inay sii wadaan baadhitaankan!!!!!!
Faahfaahin
dheeraad ah iyo sawiro badan oo ku saabsan magaaladan la yaabka leh
ka eeg bogagan:
C/Rahman Eelay
eediran@yahoo.com
http://www.islamicity.com/
Science/Ubar/
www.islamicity.com
http://observe.arc.nasa.gov/
nasa/exhibits/ubar/ubar_0.html
http://www.islamicity.com/
Science/QuranAndScience/
destruction/GeneratedFilesnoframe/
ThePeopleof145AdandUbarthe
AtlantisoftheSands.htm
|
